Njia 3 za Kutengeneza Pesa kwa Kutumia YouTube bila Adsense - Fahamu Hili
Tuesday, September 18Maarifa Bila Kikomo

Njia 3 za Kutengeneza Pesa kwa Kutumia YouTube bila Adsense

Washirikishe Wengine Makala Hii:

yo2b

Watengenezaji wengi wa video wanajua jisi ilivyo vigumu kutengeneza pato la uhakika kupitia Youtube kwa kutumia Adsense pekee. Watengenezaji wengi wa video wamekuwa wakifikiri kuwa kupakia video zenye ubora sana kwenye mtandao wa YouTube kutawafanya kupata fedha lakini mambo yamekuwa ndivyo sivyo.

Ni vigumu kujua ni kiasi gani unaweza kupata kutokana na Adsense kwenye YouTube, lakini unaweza kukadiria kwa video kutazamwa mara elfu moja utapata takribani dola moja. Kiasi hiki ni kidogo ukilinganisha na kazi utakayokuwa umeifanya ili kukipata.

Tazama njia tatu nitakazokueleza zitakazokuwezesha kupata fedha kwenye mtandao wa YouTube bila kutumia Adsense.

1. Mshirika au Wakala

Unaweza kupata fedha kwenye YouTube kwa njia ya kuwa mshirika au wakala wa makapuni mbalimbali yanayozalisha ua kuuza bidhaa.

Hili linafanyika kwa kuweka kiunganishi (link) ndani ya video au chini ya video kinacholenga bidhaa fulani. Endapo mtu atanunua bidhaa hiyo kupitia kiunganishi (link) yako, basi utapata gawio/faida yako kutokana na kuuzwa kwa bidhaa husika.

Unaweza kujiunga na huduma hii kwa kutumia mitandao inayokubali ushirika/uwakala kama vile Amazon , eBay, n.k.

2. Uza Bidhaa Zako Mwenyewe

Wengi tunafahamu kuwa YouTube huwatoza wauzaji wa bidhaa na hudumua kisha kuwalipa wale ambao video zao zimetumika kutangaza bidhaa au huduma hizo. Mchakato huu ni mrefu wenye kuhusisha watu wengi, hivyo si rahisi kupata fedha za uhakika.

Lakini kama unazalisha bidhaa zako ni vyema ukatumia Chaneli yako kuzitangaza kwani kwa njia hii hutotozwa gharama za matangazo. Hivyo basi utaweza kupata wateja na kujipatia fedha zaidi.

Laini pia, video yako ikiwa na watazamaji 800 au 900 na 10 kati yao wakanunua bidhaa yako ya Sh. 10,000 utakuwa umepata Sh. 100,000 tayari; lakini kwa Adsense ungepata dola 1 tu kutokana na watazamaji 1,000.

Soma pia: Makosa 8 ya Kuepuka Unapofanya Biashara Kwenye Mtandao.

3. Ushauri na Ukufunzi

Je una maarifa ya kuwashauri watu katika jambo fulani au unaweza kufundisha jambo fulani? Kama jibu ni ndiyo, basi fursa iko mkononi mwako. Unachotakiwa kufanya hapa ni kuandaa video nzuri za kushauri watazamaji wako au kuwafundisha mada fulani.

Utakapokuwa umeaminika na umepata watazamaji wengi, ni rahisi kuwaambia wajiunge na huduma yako ili kupata mafunzo zaidi. Unaweza kuwatoza fedha kiasi fulani ili kupata mada nyingi au kubwa zaidi.

Kama utakuwa unafanya vizuri ni rahisi sana watazamaji kulipia huduma hiyo kwani wanajua unavyofanya vyema kwenye video ulizotoa bure; hivyo wataamini video za kulipia zitakuwa bora zaidi.

Soma pia: Njia 14 Halali za Kupata Pesa Kupitia Blog.

Neno la mwisho

Naamini kama wewe ni mtaalamu au mpenzi wa kutengeneza video hutaachwa nyuma tena. Tengeneza video bora, kuwa mbunifu, pia washirikishe marafiki zako video zako.

Je una maoni gani kuhusu makala hii? Tuandikie maoni yako kisha washirikishe wangine makala hii. Unaweza kujiunga nasi kwa barua pepe au kwa kulike ukurasa wetu wa Facebook ili kufahamu mengi zaidi.

ZINAZOHUSIANA

Eston ni mtafiti na mwandishi wa makala mbalimbali zinazohusu tija, maendeleo binafsi pamoja na afya bora. Analenga kuwahamasisha wengine pamoja na kuubadili ulimwengu kwa kupitia maarifa stahiki.

Washirikishe Wengine Makala Hii:

Tafadhali tuandikie maoni yako:

avatar